တစ်နေ့ကျွန်မတို့အမျိုးထဲကတစ်ယောက်အိမ်မှာ
အလှူလုပ်ပါတယ်ဘာအတွက်ရည်စူးလှူမှန်းမမှတ်မိပေမဲ့အလှူမှာမုန့်တီကျွေးတဲ့အကြောင်းလေးပါ။
အမျိုးတွေကပန်းထိမ်လုပ်ငန်းလုပ်ကြတာပါ။
အဲ့ဒီနေ့…မနက်မိုးလင်းကတည်းက
ကျွန်မအမကဘာမှမစားထားဖို့သတိပေးထားတာမို့ဆာလောင်ခြင်းအပြည့်နဲ့အလှူအိမ်ကိုချီတက်သွားကြတာပါ။ လူတွေအပြည့်ပါ။
ဘယ်သူမှဝတ်ကောင်းစားလှမဝတ်လာကြပါဘူး။
ဗိုက်ဟောင်းလောင်းကိုယ်စီနဲ့ရောက်လာကြပုံပါ။
ကျွန်မအမကမုန့်တီTeamအဖွဲ့ဝင်ပါ။မုန့်တီFanပေါ့။
ဂိုဏ်းတူသုံးယောက်နဲ့ကျွန်မတို့နှစ်ယောက်ဝိုင်းကို
မုန့်ဖတ်တောင်းကြီးလာချပါတယ်။
အလှူရှင်တွေကဟင်းရည်အိုးတွေမီးထိုးပေးလိုက်၊
မုန့်ဖတ်တွေသယ်လိုက်၊ဝိုင်းတွေနားလာကြည့်လိုက်နဲ့
ပီတိဖြာလို့……။
ကျွန်မတို့ငါးဦးစားတာမုန့်ဖတ်တောင်းတစ်ဝက်ကျိုး၊
ဟင်းရည်အိုးလည်းတစ်ဝက်ကျိုးပါတယ်။
အလှူရှင်သမီးလေးနဲ့သားလေးကလည်းခေါင်းမဖော်တန်းစားကြတာတွေ့ရပါတယ်။
အဲ့ဒီနေ့ကကျွန်မလည်းကြက်သွန်ဖြူမီးဖုတ်ငါးခုလောက်စားယူရတဲ့အထိပါ။(ကြက်သွန်ဖြူမီးဖုတ်ကအစာကြေဆေးပေါ့)
အခုချိန်မှာ…တိို့တို့တိတိသွားစားပြီး၊ဝတ်ကောင်းစားလှနဲ့ပြုံးပြုံးလေးလှလှလေးနှုတ်ဆက်ရတဲ့အလှူတွေကပြန်လာတိုင်းအဲ့ဒီတုန်းကမုန့်တီအလှူကိုပဲပြေးပြေးမြင်ယောင်မိပါတော့တယ်။
#DKMMK
Comments
Post a Comment